Хөшөө дурсгалууд
“Эрдэнэтийн овоо” дууны хөшөө
Орхон аймгийн засаг даргын захирамжаар 2011.06.03-ны өдөр энэ хөшөөний нээлтийг хийсэн. 1982 онд үгийг О.Дашпунцаг, аяыг Д.Бэхбат зохиосон “Эрдэнэтийн овоо” дууг 1997 онд Орхон аймгийн ИТХ-ын шийдвэрээр “Эрдэнэт” хотын сүлд дуу болгон зарлажээ. Дууг гантиг чулуун самбар дээр сийлбэрлэн цохиж, үсэгнүүдийг ялган боронзодсон байна. Самбарын дээд хэсэгт уг дууны нотны эхний хэсгийг, соль түлхүүрийн хамт төмрөөр урласан. Энэ дуу нь Эрдэнэтийн илгээлтийн эзэд, анхдагчдад зориулан бүтээгдсэн түүхтэй.
“Эрдэнэтийн овоо” дууны хөшөө
К.Марксын хөрөг
1982 онд “Медьмолибденстрой” барилгын удирдах газрын удирдах зөвлөлийн зураач Петрийн зургаар зөвлөлтийн уран бүтээлчид өнгөт чулуугаар шигтгэн урлажээ. К.Маркс нь 1818 оны 5 сарын 18-нд Германы Трир хотод төрсөн. Тэрээр 19-р зууны философич, улс терийн эдийн засагч, хувьсгалч хүн байжээ. Улс төрийн зүтгэлтэн К. Марксыг "Коммунизмын эцэг" гэж нэрлэдэг байсан бөгөөд тэрээр сурган хүмүүжүүлэгч байсан. Марксын хөргийн дор "Марксын сургаал үнэн зөв учраас хамгийн хүчтэй сургаал мөн." В.И.Ленин гэсэн гарын үсэг бий.
К.Марксын хөрөг
Их шүтээн цогцолбор
Их шүтээн цогцолборт байрлах Бурхан багшийн сэрэг дүр цогцолбор нь 100 метрийн голч бүхий дугуй хэлбэртэй, 700 шахам кв.м талбай бүхий 460 ширхэг э.д ангиас бүрдэх хүндэтгэлийн хаалга, явган хүний зам, 8 суварга мөргөлийн талбай, бурхан багшийн 17 метр өндөр алтадсан сэрэг дүр, суурь сүмийн хамт нийт 22 метр үндсэн байгууламжаас бүрдэнэ.
Их шүтээн цогцолбор
Эрдэнэт хаалга
“Эрдэнэт хаалга” хөшөөг 1977 онд Зөвлөлтийн “Медьмолимденстрой” барилгын удирдах газрын барилгачид босгожээ. Эрдэнэтийг нэгэн айл, өрх гэж төсөөлбөл энэ дурсгалын самбарт багана нь үүд хаалга нь хэмээн дүрсэлж хийсэн байна. Хөшөөний үсэгнүүдийг “Эрдэнэт үйлдвэр” ТӨҮГ-ын засвар механикийн заводод цутгасан байна. Хөшөөний баганан дээр "Да здравствуй Советско-Монгольская дружба Эрдэнэт гэсэн бичээстэй бөгөөд Эрдэнэтэд ирж, явж байгаа бүхний сэтгэлд манайд тавтай зочилж байгаарай гэсэн сайхан сэтгэгдлийг төрүүлэх бэлгэдлийг илэрхийсэн байдаг.
Эрдэнэт хаалга
Уурхайчдын хөшөө
2010 онд “Эрдэнэт үйлдвэр” ХХК-ийн инженер Ц.Мөнхтогтохын санаачилгаар архитектор С.Отгонбаяр, дизайнер А.Соджаргал, барилгын инженер Т.Намсрайсүрэн нарын төслөөр Засвар механикийн заводын ажилтнууд бүтээжээ. Энэ хөшөө нь уурхайчдын ажил хөдөлмөр, алдар гавьяа, эв нэгдэл, хамтын хөдөлмөрөөр бахархсан санааг илэрхийлсэн.
Уурхайчдын хөшөө
Бидний тухай
XX зууны манлай бүтээн байгуулалт Эрдэнэт хот 1976 оны нэгдүгээр сарын нэгэнд байгуулагдаж Монгол Улсын гурав дахь том хот болсон түүхтэй.1994 онд нутаг дэвсгэр, засаг, захиргааны нэгжийн өөрчлөлтөөр Орхон аймаг болж Баян-Өндөр, Жаргалант гэсэн хоёр сумтай болсон. Өдгөө 100 гаруй мянган хүн амтай. 24 багт 28 мянга гаруй өрх айл амьдарч байна. Хүн амын жилийн дундаж өсөлт 2.2 хувь буюу нийт хүн амын 63.9 хувийг залуучууд эзэлдэг юм.
ДэлгэрэнгүйТүүх, соёлын
дурсгалт газрууд
Орхон аймагт 360 гаруй булш, хиргисүүр, тахилын онгон, зэл чулуут дурсгал байдгаас 290 нь Жаргалант суманд үлдсэн нь Баян-Өндөр суманд бий.
Айрагийн гозгор
Жаргалант сумын нутагт орших Айрагийн гозгор хэмээх дурсгалт газрыг 2008 онд анх музейн ажилтнууд орон нутгийн түүх соёлын үл хөдлөх дурсгалт газраа тоолох, бүртгэх ажлын хүрээнд анх нээж илрүүлсэн бөгөөд 2010 онд түүх соёлын үл хөдлөх дурсгалын улсын тооллогоор тооллогын комисс уг газартай танилцан бүртгэн баримтжуулалт хийсэн.
Зэрэглээ
Орхон аймгийн Жаргалант сумын нутагт Эрдэнэт хотоос зүүн урагш 25км зайд, Чингэл гэдэг жижиг голын хойд эрэг дагуу орих араараа модтой толгод, тэгш дэвсэгүүдтэй 10 км үргэлжлэх газрыг Зэрэглээ хэмээнэ. Чингэлийн голын хөвөөгөөрөө Булган аймагтай хиллэдэг. Голын урд эрэг нь өндөр толгой, модтой уулын ар хэсгээр хүрээлэгдсэн үзэсгэлэнтэй газар байдаг. Энэ газрын гол онцлог нь голын хойд хэсгийн дэвсэг толгодууд нь түүхийн үл хөдлөх дурсгал болох хүрэл ба төмрийн үе (НТӨ I-III), Түрэгийн үе (YI-YIII), дундад зууны (XII-XY зуун) үеийн булш, хиргисүүр, зэл чулуу (балбал), тахилын онгонууд элбэг байдаг. Олон эрин үе, зуунд хамаарах дурсгалууд нэг дор олноороо зэрэгцэн оршдог нь тус газрын гол онцлог бөгөөд 40 гаруй дурсгал байдаг. Засгийн газрын 2008 оны 175-р тогтоолыг үндэслэн аймгийн Засаг даргын захирамжаар хамгаалалтанд авсан байна.
Аж үйлдвэр, Эдийн засаг
Ачит-Ихт ХХК
“Ачит-Ихт” компани нь Монгол Улсад анх удаа хувийн хөрөнгө оруулалтаар евро стандартын хамгийн сүүлийн үеийн техник, тоног төхөөрөмжөөр тоноглогдсон, гидрометаллургынаргаар катодын зэс ялгах үйлдвэрбайгуулсан. Компани нийт 230 орчим ажилтантайгаар үйл ажиллагаагаа явуулж байна.
Дэлгэрэнгүй
Эрдэнэт үйлдвэр
Орхон аймгийн эдийн засгийн голлох салбар нь уул, уурхайн олборлох үйлдвэр бөгөөд Ази тивд тэргүүлэх 10 уурхайн тоонд багтдаг “Эрдэнэт үйлдвэр” ХХК жилд 27 сая тонн хүдэр...
Дэлгэрэнгүй
Эрдэнэт хивс ХХК
Дэлхийн ноосон эдлэлийн “Woolmark” болон “Woolmark Blend” тэмдгийг эзэмшигч “Эрдэнэт хивс” компани 1981 онд ашиглалтад орсон бөгөөд дотоодын хивс, хивсэн бүтээгдэхүүн...
Дэлгэрэнгүй