1978 онд ЗХУ-ын "Медьмолибденстрой" барилгын удирдах газрын дарга агсан А.В.Чекашовын зургаар босгосон Эрдэнэт хотын анхны хөшөө юм. Эрдэнэт уулыг судалж байсан геологичдын ажил дуусах дөхөж байсан үе 1972 онд БНМАУ, ХУ-ын төлөөлөгчид хот, үйлдвэрээ хаана барих талаар хуралдаж, одоогийн "Майхан" хөшөөний суурин дээр хотоо байгуулахаар шийдэж, шавыг тавьсан түүхтэй. 

Хөшөөний суурь-6х2м, өндөр-4м. Хөшөөний суурийн нүүрэн хэсэгт давтсан төмөр үсгээр "От платочного городка, до современного социалистического города буюу майхан хотхоноос орчин үеийн социалист хот хүртэл" гэж бичин, гагнаж тогтоосон байдаг. Эрдэнэт хотыг барьж байгуулсан илгээлтийн эзэд, геологичид хэрхэн амьдарч байсан түүхэн үе, цаг хугацааг дүрслэн, өнөөгийн хөгжил цэцэглэлтийг бэлгэдэн урлажээ. 

Энэ хөшөө нь Орхон аймгийн үйлдвэрчний эвлэлийн байрны өмнө байдаг.

Холбоотой зургууд